龍華酒店 (下禾輋)

Open Now

Now Closed

喺沙田生活咗幾十年，竟然未去過龍華酒店，實在說不過去。於是趁住風和日麗，我地就前往一探究竟！我地喺沙田站B出口出發，沿住沙田中央廣場小路，行咗大約十分鐘，就到咗龍華酒店門口。昔日仲未有吐露港公路及九廣鐵路嘅時候，相信駕車前來茗茶的人，一定係絡繹不絕啦！我地懷住興奮嘅心情，沿住燈籠小徑步行上去，見到門前有隻大肥雞，好可愛。然後又見到一隻識講「哈囉」嘅小鸚鵡，十分趣緻。去到餐廳門口，店員問我地想坐室內大廰定室外雅座，由於當日都幾大風，所以我地就揀咗坐大廳。裡面只有一兩枱客人正在進食，完全符合限聚令要求。打開本餐牌簿，嗰啲舊陣時嘅廣告單張真係好有懷舊feel！我地點咗龍華三寶：雞粥、乳鴿、山水豆腐。喺等緊食物送嚟嘅時候，我地欣賞吓大廳裡面掛起嘅粵語長片電影明星嘅黑白照片，同埋一代武打巨星李小龍先生嘅彩色掛畫。而今年適逢係李小龍先生誕辰80周年，真係令人不禁懷緬過去常陶醉，一半樂事，一半令人流淚。講吓啲食物先，粥底好綿，雞肉嫰滑。乳鴿好脆，拎上手仲有少少熱辣辣，記得趁熱食！椒鹽山水豆腐份量好大而且都係好脆口，不過略鹹，可能因為唔夠喼汁啦！喺龍華酒店度過咗愉快嘅下午！希望疫情後大家多多幫襯，唔好