早安越南 (Closed)

天后一向都出左名多野食，今次我就同朋友黎到呢間早安越南黎食越南野。餐廳周圍嘅裝飾都好有越南嘅特色，牆上面有唔同嘅圖案。我同朋友叫咗一碗咖喱牛腩河，一碗沙嗲肥牛湯河，一個鮮蝦扎肉米紙卷同埋一個香茅燒豬頸肉。咖喱牛腩河湯底非常香濃，咖喱味十足，入面牛腩同埋牛筋嘅份量都非常之多。牛腩非常之冧，亦都唔會太肥。牛筋則膠質豐富，一樣好冧。河粉方面非常之滑，吸收左咖喱湯底嘅味道，十分好吃！沙嗲肥牛湯河沙嗲味香濃，分量十足，河粉同樣好滑。肥牛方面餐廳用既肥牛唔會太過肥，肥瘦均勻，肉質唔柴，十分高質！小食方面，鮮蝦扎肉米紙卷十分高質。蝦肉幾爽口，配埋越式酸辣醬，好醒胃。另一個小食香茅燒豬頸肉亦做得十分好吃，而且份量足，豬頸肉堆起來像山一般，底下唔會用菜黎填塞。豬頸肉食落香口，油脂被燒得好香，表面有焦香，配埋甜酸醬，好正！餐廳位置方便，食物質素高，環境亦都舒服，值得大家一試！