早安越南 (Closed)

好有年代咁既裝潢。大大粒既紅星為招牌。鋪頭不大，但非常乾淨同整齊。侍應非常nice. 會第一時間見到你既需要。態度好好。本人order左海鮮炒飯。係因為隔離飯餸香，哈哈😄，見人地食得咁滋味就非常想食。一上臺就見到我最中意既大大隻鮮蝦，除左蝦，仲有青口與魷魚。食材新鮮。海鮮彈牙及鮮甜。米飯加左蝦醬去炒，以及面頭既炸蒜，令炒飯十分香口。最重要係份量十足。女仔胃口細都未必食得晒。友人order 左炸蝦餅湯濛。蝦餅炸得香脆又不油膩。咬開仲可以見到蝦肉。真材實料。湯頭濃郁。而且有蔥，炸蒜，芫荽與香葉芽菜點綴。味道豐富。下次可以黎食埋佢既牛肉。