Thai 2.0 (Closed)

係好耐冇食過嘅泰國嘢呀！荃灣多商場，其實好多個商場都成日行，但係愉景新城就比較少去，今日難得去到愉景新城搵嘢食，見到泰國菜都好耐冇食，於是就決定今晚就選擇佢。先講講環境，餐廳位置可以枱之間幾闊落，卡位都好大張，同朋友兩個人坐咗卡位，坐得幾舒服。食物方面，今次想食啲平時比較少食有特色啲嘅。見到佢哋有一個二人餐都幾抵食，佢會有兩款湯可以選擇，今次我就選擇咗冬陰功湯，呢款冬陰功湯嘅味道對比平時嘅冬陰功湯酸味比較重少少，唔會太過辣，數過裏面有足足六隻蝦。另外跟餐可以選擇辣椒膏炒蟹，倒台嘅時候配埋歌薄餅點醬汁一齊食蟹肉係真係新鮮同鮮甜，而且有足足一大隻蟹嘅份量。跟餐會有炒雜菜，炒雜菜嘅裏邊有幾種菜例如係西蘭花、菜心同芥蘭，炒埋一齊味道幾香口，唔太鹹。最後食咗咁多嘢，都點返過椰青飲吓，嘩！有一說一，想講呢個椰青真係值得一讚，超級新鮮，而且大大哥，喺香港真係難得飲到平民價但係咁好飲嘅椰青，係驚喜嘅！