EAT ME Bar & Restaurant (Closed)

譽發廣場依家愈開愈多食肆，今晚同朋友就試左呢間Eat Me Bar & Restaurant…晚市時間都幾多人等位，不過等左一陣就有位啦…晚市既1人餐都係$128起，有餐湯、主菜同1杯飲品($22以上需補差價)是日餐湯：粟米洋蔥煙肉忌廉湯，材料十足而且好creamy😍焗虎蝦龍蝦汁螺絲粉：虎蝦都幾大隻，螺絲粉沾上半溶既芝士同濃郁既龍蝦汁一齊食，味道啱啱好，唔會太咸…貽貝墨魚墨汁燴飯：貽貝即係青口，除左有青口同墨魚仔，仲有蜆，飯面既蕃茄醬同墨魚汁比例做得唔錯，飯粒唔會太濕或太硬…👍酥炸魷魚圈伴辣椒汁($88)：份量都幾多，兩個人分，每人都有成6～7件，好飽肚…