金利銀輝茶餐廳

Open Now

Now Closed

平時嚟呢度都係食早餐，下午茶。近排喺度食咗兩次晚餐，水準都相當唔錯，寫返篇食評記念下。呢度食晚餐送例湯。西檸鷄，酸味適中，肉又夠嫩滑。咖喱牛腩煲，牛腩夠冧，最鍾意薯仔係炸過嘅。咖喱汁食落有椰奶味，個人口味覺得可以再辣少少。粟米班塊，熱辣辣上碟。個汁甜甜地，班塊個漿略嫌有啲不均勻。有幾件個粉好厚。八珍豆腐煲，勁足料。除咗豆腐，仲有豬潤，豬肚，肉片，冬菇。椒鹽豬扒，不過不失，略嫌個味重咗少少。呢度晚餐真係好抵食，最平一個套餐都只係60蚊，唔怪得逢星期六日晚都咁多人排隊嚟食。