Video
Read full review
2024-01-07
94 views
今晚去完朋友油塘屋企，朋友帶我去佢飯堂老友記廚房。舖頭都好大吓，有一邊全邊都係落地大玻璃，入邊有好多張大枱同埋有啲卡位。感覺開陽闊落。呢間餐廳晚市做埋各式小炒，火鍋同雞煲，種類繁多。我哋今晚兩個人就簡簡單單叫三個餸加一碗白飯share食。老友記小炒王：材料豐富，包括韭菜，鮮魷，魷魚乾，蝦仁，菜譜，腰果及蝦米。腰果炸得鬆化，鮮魷爽口易咬，蝦米及魷魚乾令菜式增加鹹鮮味，韭菜嫩口，加咗菜譜令菜式更惹味。芝麻沙薑雞半隻：分量十足。雞肉肉質彈牙。雞皮唔會好厚，食埋都唔會覺得好油膩。沙薑味好夠。冰梅金沙骨：冰梅汁酸酸味味，令人食慾大增。金沙骨嘅肉同骨中間嘅筋膜位好脆口。另外值得一讚嘅係，一坐低，侍應就會拎一大碗滾熱辣嘅水同餐具俾你清洗。同埋每張枱都有各式各樣獨立包裝嘅調味料。感覺好乾淨。老闆娘整晚都笑容滿面，感覺好親切！
今晚去完朋友油塘屋企，朋友帶我去佢飯堂老友記廚房。
舖頭都好大吓，有一邊全邊都係落地大玻璃，入邊有好多張大枱同埋有啲卡位。感覺開陽闊落。
呢間餐廳晚市做埋各式小炒，火鍋同雞煲，種類繁多。我哋今晚兩個人就簡簡單單叫三個餸加一碗白飯share食。
老友記小炒王：材料豐富，包括韭菜，鮮魷，魷魚乾，蝦仁，菜譜，腰果及蝦米。腰果炸得鬆化，鮮魷爽口易咬，蝦米及魷魚乾令菜式增加鹹鮮味，韭菜嫩口，加咗菜譜令菜式更惹味。
芝麻沙薑雞半隻：分量十足。雞肉肉質彈牙。雞皮唔會好厚，食埋都唔會覺得好油膩。沙薑味好夠。
冰梅金沙骨：冰梅汁酸酸味味，令人食慾大增。金沙骨嘅肉同骨中間嘅筋膜位好脆口。
另外值得一讚嘅係，一坐低，侍應就會拎一大碗滾熱辣嘅水同餐具俾你清洗。同埋每張枱都有各式各樣獨立包裝嘅調味料。感覺好乾淨。老闆娘整晚都笑容滿面，感覺好親切！
Post
