壹籠

Open Now

Now Closed

夜晚同同學溫書 溫完之後求其搵間野食 見到佢門面幾企理 就入去坐 本身有大大既卡位坐 但對住風口位 最後店員同風地轉左位 坐低發現個個都係食小菜 但我地諗住食點心 最後都係叫左點心 佢即叫即蒸 等得比較耐 但係樣樣野食都有無失望 食得都幾開心！個度環境寬敞 而且坐得舒服 我地叫左流沙包 小龍包 雞絲粉卷 雪茄春卷 蘿蔔絲酥卷 鮮蝦菜苗粿 樣樣點心都唔錯 菜苗粿個餡既味道ok 但個皮好爛 一夾起就爛哂 感覺好似蒸過龍咁 但雞絲粉卷個皮又無爛喎 春卷都好特別 外表同正常顏色唔一樣 但餡係好食 煙韌彈口 仲要岩岩炸出黎熱辣辣 好脆口 樣樣點心唔太咸 食完都唔覺會好口渴 蘿蔔絲酥卷好香 就係上海店個種其實都唔係好夠食 但係等太耐唔再叫喇 如果唔係有排都返唔到屋企 但要留意返佢有d點心係晚市唔供應架