Video
Read full review
2018-11-04
1609 views
由於早前有朋友同我們介紹話喺馬鞍山海澄軒海景酒店嘅「天澄閣」出品都幾好，所以我們今晚就去食晚飯！一坐低店員就攞咗碟小食畀我們，係日式嘅枝豆，但就用中式加咗花椒八角嘅煮法，所以出嚟嘅色澤賣相係有啲唔係咁吸引，而且味道亦比較怪，同埋質感係超級腍身，呢點係令我們覺得比較失望！睇咗一陣我們就叫咗係每位計嘅時令豐料燉湯：淮山杞子燉鷄嘅湯料就算足料，但湯底係相當清，清到可以話係淡而無味！清蒸游水老虎斑仔好大條肥美，而蒸嘅時間火候控制得恰到好處，所以肉質係非常鮮甜嫩滑！孖寶D：果皮蒸大連鮑魚都幾新鮮同爽滑彈牙！而貴妃鷄嘅肉質就相當鬆軟滑溜！總括：食物出品大致上都算無乜大問題，但其中有啲店員嘅服務態度就好有問題，因當時嘅時間係啱啱8點，店員就同我們講話所有糖水已經送晒！咁我們就話唔緊要，所以店員就攞咗生果同糕點畀我們！本來我們都覺得幾好，無再諗糖水嘅問題，但隔咗唔夠5分鐘，另一個店員就同喺正我們前面張檯嘅熟客講話你們想食咩糖水？我而家入去攞畀你！聽到呢句之後我們即刻覺得超級嬲，心諗如果你真係要留畀熟客嘅話，咁就應該要低調啲啦，同埋原來呢度祇係鍾意招呼熟客，新客就可以唔駛理咁！唉⋯⋯
總括：食物出品大致上都算無乜大問題，但其中有啲店員嘅服務態度就好有問題，因當時嘅時間係啱啱8點，店員就同我們講話所有糖水已經送晒！咁我們就話唔緊要，所以店員就攞咗生果同糕點畀我們！本來我們都覺得幾好，無再諗糖水嘅問題，但隔咗唔夠5分鐘，另一個店員就同喺正我們前面張檯嘅熟客講話你們想食咩糖水？我而家入去攞畀你！聽到呢句之後我們即刻覺得超級嬲，心諗如果你真係要留畀熟客嘅話，咁就應該要低調啲啦，同埋原來呢度祇係鍾意招呼熟客，新客就可以唔駛理咁！唉⋯⋯
餐前小食：枝豆
18 views
0 likes
0 comments
時令豐料燉湯：淮山杞子燉鷄
14 views
0 likes
0 comments
清蒸游水老虎斑仔
31 views
0 likes
0 comments
孖寶D：果皮蒸大連鮑魚
21 views
0 likes
0 comments
貴妃鷄
19 views
1 likes
0 comments
9 views
0 likes
0 comments
Post
