明星皇宮

Open Now

Now Closed

今次又係同屋企人出街食晚飯，佢哋都係鍾意去酒樓食中菜，我們七個人點了幾個小菜。▪️枝竹羊腩煲（7.5/10）踏入秋冬時份都係開始食羊腩煲嘅季節，羊腩都幾鯰，竹筍都爽脆，加埋枝竹腐乳一齊食正呀。▪️姜蔥班頭腩煲（7.5/10）班腩份量都幾多嘅，姜蔥都爆得好香，好入味。▪️蒜蓉粉絲蒸扇貝（7/10）扇貝蒸得熟咗少少，蒜蓉豉油味道都ok，但粉絲多啲仲好。▪️沙薑雞 （9/10）隻雞賣相都唔錯，雞肉又好嫩滑，點埋沙薑粉一齊食都好好下飯。▪️紅燒妙齡乳鴿（7/10）上枱時都仲係熱辣辣，但塊皮就唔算好脆，但都多肉嘅，雖然係送嘅但都OK 㗎。▪️啫啫蝦乾芥蘭煲（8/10）呢個好香口，遠遠都聞到好香，加埋蝦乾又係好易送飯，特別開胃。▪️蠔皇北孤扣玉掌（7.5/10）呢個都係酒樓送嘅，蠔皇花菇都好香好鯰，玉掌都有三隻(但我冇食)，下面仲有生菜係底，味道都OK 。最後每人送上一碗綠豆沙。整體嚟講，晚飯都OK 。