金牌小龍 (Closed)

放工只想找個地方歇歇，和愛的人談談一天發生的趣事，就選了呢間價格相宜環境又寬敞嘅上海菜餐廳。餐廳座位都好多，枱與枱之間距離都恰當，而姐姐更唔會將客人擠埋一齊坐，係呢家呢啲非常時刻感覺比較安心！枱面亦有濕紙巾供使用幾窩心嘅！食物選擇都好多，雖然有啲食物係暫停供應，但剩下都仲有幾十款可選擇。必吃一定係小籠包啦，見佢地有蟹黃口味就一試，本身好怕會有腥味，但食落完全唔會！幫小籠包拍完美照之後食落唔算好熱，所以加啲醋同薑絲成粒啪都可以呢！皮唔算好薄但肉汁幾多同埋蟹黃味幾鮮。爆汁牛肉餡餅嘅餅皮帶煙韌，表面又煎得幾脆～牛肉餡唔算好多但就爆汁得好犀利，下次一咬要啜晒啲湯汁佢～唔係就徙晒啦！本身以為呢個麻醬撈麵係乾撈，原來係有湯嘅，湯底嘅麻醬味都幾香，帶啲花生香氣～麵底唔會太淋仲有口感，唔錯嘅～之後嗌多個小菜—鐵板海鮮豆腐，一上枱鐵板滋滋聲好熱騰騰嘅感覺，豆腐幾滑而調味偏胡椒味同埋有層芡汁都幾惹味！海鮮就有啲蝦同魷魚配埋西蘭花都幾豐富。不過主要都係食麵食同埋包點正啲！另外仲叫左啲前菜小食—雞絲粉皮同埋醉雞。