M3 Italian (Closed)

傍陀大雨，朋友約咗去沙田m3 italian食嘢， 點知去錯地方去咗大圍 ，嗰間分店先發現原來有兩間， 大圍分店職員話搭車過去十分鐘就到 。意大利辣肉腸薄餅 118hkd意大利薄餅個皮好薄好似薯片咁，上枱時一開六， 咬落芝士度軟軟的，有口感， 咬落邊皮位好 crunchy， 芝士一拉可以拉到好長， 配埋辣肉腸薄薄地， 以及大大件嘅菠蘿酸酸味味， 好好食。 流心蛋煙肉忌廉意粉 108hkd流心蛋水汪汪的 ，一上枱馬上篤穿佢，啲蛋黃流到每條意粉間， 煙肉配搭白汁味道， 再加上 流心蛋黃 ，食落唔膩口。 最鍾意係啲白汁夠多夠黏稠。店員服務都唔錯 ，不停幫我哋加添水 ，一次都唔使主動叫佢地， 咁就可以輕輕鬆鬆"專心"傾計。250hkd 埋單沙田，食完坐車，返屋企，四通八達，舒舒服服。