牛摩 (Closed)

今日去將軍澳探朋友，近排天氣轉涼，好想打邊爐，但又賴得買料及洗碗，朋友便推介座落新都城二期的牛摩。餐廳都算大，坐得好舒服。牛摩收費是根據所選牛肉的質數而有所不同，我們點了牛小腓$259，呢間店是一鍋可選兩個湯底，兩個湯底都選了豬骨湯。牛肉好多雪花，鮮嫩多汁，火鍋配料都很多選擇。壽司🍣款式都算多，我們選了幾款黎食，飲品選擇都很多。而甜品有乳酪雪糕，味道都唔錯。牛摩材料都算新鮮，服務又好，以價錢黎講，都好抵食，會再次幫襯。