Cafe Paradise (杏花邨) (Closed)

晚餐約左好耐無見既朋友係杏花邨食飯，揀左呢間餐廳。餐廳佈置好靚，好似係童話世界咁，有旋轉木馬，仲有南瓜車可以坐係到用餐。餐廳仲順應潮流多左關於「魷魚遊戲」既食物，連職員都著相關制服😂餐單好多選擇，同朋友最後揀左一碟沙律、一碟意粉同兩杯野飲。巴拿馬火腿凱撒沙律，感覺清清地，配埋巴拿馬火腿既鹹味，平衡番個味道。煙三文魚黑松露海蝦意大利麵，份量都幾多，好重黑松露味，海蝦都幾新鮮。仲有兩杯野飲，我叫左熱檸茶，朋友就叫玫瑰鮮奶咖啡。