味道樂居酒屋 (元州街) (Closed)

嚟到呢度，係一定會叫壽司食，叫咗一個蟹籽壽司，我非常新鮮，啲蟹籽好脆卜卜，紫菜亦都好脆！另外芥末八爪魚壽司，八爪魚好新鮮，好爽口，而且芥末配合得啱啱好！再叫咗牡丹蝦，好爽口，好甜，加上賣相好靚，鮮甜多汁！再叫咗黑酸豬軟骨拉麵，裏面嘅材料好豐富，首先啲豬軟骨好入味，軟硬適中，再加上有蔬菜嘅配料，更加健康，面嘅硬度非常好，煙煙韌韌，再加上有糖心蛋，所以成個面口感層次豐富！黑蒜黑豚肉卷，黑蒜味非常之香，帶有微微甜嘅口感 ,啲豚肉亦都非常Juicy,燒得啱啱好！味淋魚干，惹味香口，加上配少少沙律醬，更加有口感，魚干外脆內軟！仲有一個鵝肝壽司，啲鵝肝非常之肥美，內裏肥美多汁，香口濃郁！最後一個係醬油燒芝士年糕，首先外邊有好香嘅醬油味道，裏便係好香好軟林林嘅芝士年糕，最獨特嘅地方，係上面配上紫菜，食落口感更加豐富！