甜蜜蜜甜品專門店 (Closed)

同朋友夜晚食完飯之後，因為時間都比較早，我哋決定就要去搵一間糖水舖去食糖水，因為好多嘢都仲未傾完，所以決定搵間糖水舖可以坐下傾吓計。去到厚福街呢邊，本身諗住去食鮮芋仙，但係因為已經排晒籌，所以揀咗呢一間糖水舖。雖然都等咗20分鐘左右，但係都總算有位可以坐。我哋最主要都係因為想搵個地方坐傾吓計，所以食物質素方面我哋都覺得普普通通嘅，我就點左個紫米露芋圓，朋友就點左香蕉窩夫，同埋榴槤冰，仲有雜果雪糕。我覺得個芋圓唔算好好食，都算好一般。朋友個榴槤冰就好好食。所以我覺得搵個位坐下傾吓計呢間糖水舖都算可以嘅，但係你話想好食嘅就未必係邊呢一間喇。