魚屋

Open Now

Now Closed

星期五晚想食日本野，見到大部分餐廳如元氣、爭鮮等都大排長龍，而呢間係一田入面嘅餐廳仲有空位，就決定一試。呢度嘅魚生飯價錢並唔算貴，就好似我叫嘅海膽三文魚飯咁，都只係需要$108，都幾抵食，我仲另外加左明太子蟹肉($28)。個飯等左大概15分鐘左右先整好，原來仲有碗湯送。飯嘅分量中等，魚生分量亦同餐牌圖片上嘅一樣，分量合理。三文魚同海膽都唔算新鮮，三文魚都勉強可以接受，但海膽食落有怪怪得苦味，感覺麻麻。而另加嘅明太子蟹肉則尚算唔錯，幾岩送飯。