丼丼屋 (綠楊坊) (Closed)

約左朋友去荃灣行街，冇特別想食乜，只係想填飽個肚，見到呢間唔洗排隊就決定食佢。因為見到隔離枱d份量都幾大，怕食唔哂所以決定單點唔跟餐。滑蛋雞肉丼 - 蛋整得剛剛好，半生熟蛋夾雜着啲洋蔥，好香滑。雞就一般，好似白拾雞柳咁。飯佢加左少少日本甜豉油，所以同d蛋一齊食好好味。咖哩吉列豬扒烏東 - 咖哩湯好濃好香，烏東都算彈牙有口感。吉列豬扒個脆皮被湯淹到淋哂，豬扒本身都唔太硬。整體而言，環境都算坐得舒服，每張枱都有獨立水壺，可以自己斟水。雖然味道唔算太出色，但價錢便宜，份量又大，都算合格啦！