Video
Read full review
2022-09-29
577 views
在灣仔收工，突然想食辣嘢。見到OpenRice上，這一間川菜好多好評，即刻拉同事去試吓。搭lift上2樓，一開門就係。晚上7:00 ，不是太多人。經理見我們兩個人，叫我們坐在收銀枱房邊的一張枱，隔離黐住就是男廁，我們不太願意，見到大廳還有很多吉枱，問佢可唔可以坐其他，穿白色衫女經理，好似有些不情願地安排我們入座。酸菜鱸魚小份（小辣）$238見到每一台都叫這個酸菜魚，一想來見到好多油浮面，都幾嚇人，幸好鱸魚都好新鮮，分量都幾多，切到好薄，但味道偏淡，可能係小辣的關係，所以冇乜辣味。沙坪壩水煮牛肉 $138牛肉又嚡又老，食得出有雪味，唔得。辣子孜然香脆羊肉 $128辣椒乾很多，羊肉很乾，有甜味，但肉質偏硬，沒有羊味。家鄉紅糖糍粑$38有八件，炸得很脆，很軟糯，黃糖粉很香。四川冰粉$28凍冰冰，很解辣，透明的冰粉，好似啫喱般，加上桂花糖，好食。茶錢$10一位，小食花生$10一碟，另加一服務費。總括來說，不過不失，但羊肉，同牛肉比較失望，可能係雪藏貨，食得出有雪藏的味道，而且又硬又乾身，真的不推介。服務方面，侍應姐姐們都非常之熱情，會推介菜式，但白色衫經理態度麻麻，黑口黑面，收錢的時候，一句多
搭lift上2樓，一開門就係。晚上7:00 ，不是太多人。
經理見我們兩個人，叫我們坐在收銀枱房邊的一張枱，隔離黐住就是男廁，我們不太願意，見到大廳還有很多吉枱，問佢可唔可以坐其他，穿白色衫女經理，好似有些不情願地安排我們入座。
酸菜鱸魚小份（小辣）$238
見到每一台都叫這個酸菜魚，一想來見到好多油浮面，都幾嚇人，幸好鱸魚都好新鮮，分量都幾多，切到好薄，但味道偏淡，可能係小辣的關係，所以冇乜辣味。
沙坪壩水煮牛肉 $138
牛肉又嚡又老，食得出有雪味，唔得。
辣子孜然香脆羊肉 $128
辣椒乾很多，羊肉很乾，有甜味，但肉質偏硬，沒有羊味。
家鄉紅糖糍粑$38
有八件，炸得很脆，很軟糯，黃糖粉很香。
四川冰粉$28
凍冰冰，很解辣，透明的冰粉，好似啫喱般，加上桂花糖，好食。
茶錢$10一位，小食花生$10一碟，另加一服務費。
總括來說，不過不失，但羊肉，同牛肉比較失望，可能係雪藏貨，食得出有雪藏的味道，而且又硬又乾身，真的不推介。
服務方面，侍應姐姐們都非常之熱情，會推介菜式，但白色衫經理態度麻麻，黑口黑面，收錢的時候，一句多謝也沒有。
如果食四川菜，或者雲貴菜，應該還有其他更好的選擇。
Post
