甜多1點 (Closed)

話說前排經過禾輋商場，心思思就想去食返個甜品，於是就試左下哩間甜多1點。店鋪座位因為近來疫情狀況，安排得比較疏落。環境不錯，人唔係好多。嗌左一個凍芋圓燒仙草，32蚊。芋圓非常彈牙，甚至到有啲韌同難咬。有芋頭，南瓜同蕃薯三種芋圓；個奶底不錯，仙草幾滑。冇咩出眾既地方，但又未至於難食，不過不失咁囉。個芋圓燒仙草整體黎講ok既，但未必值得果32蚊囉。我自己就可能經過會再試其他品項既，但你問我值唔值得特登去試？唔值得囉。