醉上海 (Closed)

星期日岀街，唔知食咩好，入咗醉上海試新嘢！星期日都有lunch set, 一飯一餸一豆漿，睇價錢頗抵食！酸辣湯粗麵，麵煙韌，幾好食，但湯係敗筆黎，無酸辣湯味，奇怪，小編唔知自己食緊咩！銀芽鱔糊，呢個明顯改錯名，應該叫銀芽鱔條！鱔大大舊，味道都ok，好抵食！魚香雞粒，又係唔知自己食緊咩嘅一味餸！完全唔係魚香，有d似宮保雞丁，又唔完全係，普通！回鍋肉，正正常常，少鹹，配飯ok！總括黎講，好平好抵食嘅上海菜！多油重口味係必然啦，唔係樣樣嘢ok，要睇撞唔撞得啱！跟餐豆漿好甜，兩啖已經夠，要飲番水！如無意外，應該無咩機會再幫襯！