五斗米 (厚和街)

Open Now

Now Closed

玉米起司蛋餅🍳食台灣嘢蛋餅係必嗌既😝蛋餅煎得好香，外皮脆脆地，配上甜甜嘅粟米，邪惡嘅芝士🤩如果沙律醬再多啲應該更加好味！鹽酥雞便當🍱便當入邊已經配埋滷味。便當入邊嘅鹽酥雞炸皮薄脆，幾香口。肉燥飯嘅肉燥吾係煮成汁嗰種，偏向一粒粒肉粒。滷味入邊嘅菜同埋豆腐好入味。但係嗰粒肉丸質感偏腍，覺得粒丸麻麻地😬肉燥乾拌麵🍲入邊包一隻滷水蛋一粒肉丸，呢個拌麵感覺上唔係咁豐富🤣麵質有咬口，唔會煮得太腍。不過覺得如果有少少滷水汁淋上去感覺會好食啲。台灣水煎香腸比起其他台式餐廳食嘅腸仔有少少唔同，冇平時咁乾身，同埋唔係切到薄片，而係一條條。味道都唔錯，不過性價比冇咁高，份量吾多。🥹