皇小館拉麵小籠包

Open Now

Now Closed

今晚去咗荃灣一個 “算係新” 嘅 food court 食飯，行勻哂成個場，最後揀咗間上海嘢。叫咗兩個超值一人套餐B（$69）四川擔擔雲吞拉麵，拎嘅時候，淨係比咗清湯雲吞麵，問清楚後比番碗擔擔汁，但又無比豬肉碎。五粒雲吞味道普通，雲吞皮有糊口感。拉麵同樣偏淋身同糊口。擔擔汁好油，得麻醬味無咩層次。紅燒牛腩飯，牛腩係牛肋條，入味夠腍身。半隻流心蛋亦夠味。前菜三小碟，有涼拌小青瓜、上海冷豆腐、時令鮮果（哈密瓜 & 提子）。灼菜，半份白灼生菜。杞子六花茶（熱），住家feel，五花茶味幾濃。竹蔗茅根（凍），住家feel，清清哋唔太甜。加配 金網鍋貼（+$26），有六隻，賣相不錯，但唔夠熱，粉皮同樣偏糊口。加配 皇小館小籠包（+$19），有四隻，味道普通到好似食緊叮叮點心小籠包。整體嚟講，味道真係十分普通，叫做掹車邊合格。