財記海鮮火鍋活魚刺身

Open Now

Now Closed

去大角咀食火鍋不嬲都去開出名嗰間，不過個人有少少潔癖，實在唔想食野個環境太嗱咋，於是行左入黎。佢係成條埃華街食火鍋個環境最光猛企理既，環境我會俾5星。食火鍋個重點不嬲係食材鮮唔鮮，靚唔靚，例牌叫個手切本地黃牛，再叫店家推薦海鮮，之後點左白鱔，翠玉鯇，海膽同鮮蝦刺身，加大量魚滑，店家又推一個鹽燒鮑魚，估且一試。先到既係刺身，擺盤賣相好麻麻，以為中伏，點知一食落個海膽，非常鮮甜，拍得住omakase 供應嗰d. 之後燒鮑魚到，食落非常鮮嫩多汁，真係一啖食完想啜埋個汁。剛好今日老闆現場打骰，問一問先知日賣二百隻以上。之後食墨魚滑同魚鯇，都好鮮同有滋味。最後，我地一行6人係食唔哂肥牛同丸，海鮮真係啪哂。牛其實都好食，不過我會揀更難得既海鮮，呢個質素唔多見。