扒王之王 (Closed)

今日黎左沙田拎回鄉證，拎完去左隔黎既曾經盛極一時既扒王之王食午餐。餐廳環境唔錯，卡位係梳化櫈，幾舒服，而且服務態度都唔錯。叫左個午餐，黑椒汁阿根廷扒飯，餐包暖暖地都幾好食，但個正餐就真係普通。首先肉質雖然唔錯，軟身但有口感，但肉既份量有d偏少，食完仲覺得唔係好飽，而且最大問題個黑椒汁係甜既，令到成個餐變得有d奇怪，如果個汁正常d既話其實個午餐都幾好味的。上網睇番先知，原來呢間扒王之王係全香港最後一間，希望佢唔會成為大家既集體回憶。