巴辣仔烤魚雞煲 (翠怡花園)

Open Now

Now Closed

係大埔附近工作，聽聞翠怡花園好多美食，咁岩見到呢間主打食雞煲烤魚既好多人排隊，所以就試下。我地叫左烤魚，要酸辣小辣既湯底。魚本身已經炸好，只需等湯底滾起就可以食。魚炸到有啲乾，而肉質唔係好嫩，湯底就愈煮愈辣，係幾惹味。叫烤魚仲可以叫多4款配料，我地叫左鮮腐竹、薯仔片、萵筍同金菇。至於火鍋食材我地叫左鮮蝦雲吞、肥牛、紫菜響鈴同菜等等。食物質素都係一般，牛沒有牛味，鮮蝦雲吞肉多鮮蝦，紫菜響鈴比較新穎，尚叫可以。但如果大埔黎講可以有更好嘅選擇，未必會翻轉頭食。