兩合特色餐廳

Open Now

Now Closed

今日返工之前係兆康西鐵站嗰個商場嗰度，求其搵咗間餐廳食咗個早餐，呢啲民生舖頭應該就冇伏。我叫左個沙爹牛肉公仔麵，加埋腸仔煎蛋多士同一杯嘢飲，40蚊左右就正常價。佢既上餐速度好快，唔使5分鐘就黎曬啲嘢。所有食物都熱辣辣，係呢個咁凍嘅朝早，為我帶來了一絲絲暖意。這個餐加埋個份量都幾足，可以食飽，去到午飯時間都唔肚餓。這個餐正正常常，烘底多士脆嘅 。沙爹麵味道同平時啲茶餐廳差唔多。麵質唔硬，亦都唔太淋，仲有啲彈性。算係正常嘅一般茶餐廳，有時間過嚟食早餐都唔錯。