兩合特色餐廳

Open Now

Now Closed

晚飯粟米斑塊$68海味什菜煲 $78咕嚕蝦球 $78灼鯇魚皮 $42白飯(跟餐)例湯整體好味指數 4/5 🍭🍭🍭🍭{今日簡左間簡簡單單既茶餐廳食晚飯 賣相和味道都唔錯 粟米斑塊睇落唔係好多件 但每件都好厚身 炸粉很薄肉很多 醬汁亦很適中夠配飯 海味什菜材料豐富 菜好多 湯亦好甜 咕嚕蝦球雖然份量唔多 但蝦肉新鮮大隻 醬汁酸酸甜甜好開胃 灼鯇魚皮很爽口 份量都好多 上面還配上蔥和花生增加了不同口感}

鋪頭設計風格好特別餐牌標明又學生優惠，但係佢話一年前㗎，心諗：一年前又點，你餐牌冇改就係㗎啦。anyway, 我問佢攞餐具姐，佢反我白眼，服務態度好差。不推薦大家去

因為要去拜呂祖。要食素。所以點咗個茄蛋飯。總價$64。個蕃茄好新鮮。隻蛋好香滑。混入白飯好開胃。杯熱奶茶好飲。成間茶記，最大特色係掛滿港漫。有李志清三國作畫，有邱福龍個大拳。門口有龍虎門及甘小文作畫。重有司徒劍橋個超神Z作畫。動漫迷一定要捧場。

屯門醫院探完家人，十二人去附近兆康苑商場兩合特色餐廳食晚飯，點了十個餸每樣小菜都有水準，例湯係送的，每樣小菜又好味又夠鑊氣，價錢又親民，唔怪得之晚飯時間座無虛席

今日同爸爸媽媽要去青松拜山同探親戚，就諗住求其係兆康商場食啲野再過去，望到商場外觀都知道無乜野好食就决定速食個茶餐廳算數。茶餐廳位置於二樓，外觀好一般，貼滿哂餐牌係窗口度。一入去用手指示意三位，店員就好快俾左張超級長超級舒展既卡座俾我地。餐廳老闆應該好鐘意漫畫？😆整個場都佈滿左漫畫作品，好有趣。呢個喇沙海鮮湯烏冬有驚喜，有海量既海鮮，仲有炸魚塊？😆又有豆卜同埋雜茹，烏冬略為硬身左少少，湯底幾野味，大大碗，唔錯，速食既話，推介。

我知疫情大家搵食辛苦，但都唔係咁唔耐煩呀？下午肚餓去食個T，一入門口掃安心嗰下已經聽到嘆氣聲，我都當冇事算數。一坐低就不停催落單，一邊講就一邊jip，好似好趕咁，明明全場只係得3-4枱客，如果你係澳牛咁我會接受。到我準備食野仲見到佢望住我口嗡嗡咁，即刻覺得俾人加左料咁，唔食即走！如果大家唔想俾人咁對待，建議唔好幫襯疫情已經難搵食，仲要咁樣對客人。等執！我又唔係要酒店級服務，正正常常咁咪ok囉香港人 共勉之

由荃灣西跑到屯門之後，去到呢度食早餐，客人都比較多，所以要搭枱，但無嘢隔住😐 價錢方面都ok，味道唔錯（始終肚餓咩都會好食嘅）份量都幾多，尤其係個雞扒好邪惡好正，最鍾意飲熱杏霜。

今日返工之前係兆康西鐵站嗰個商場嗰度，求其搵咗間餐廳食咗個早餐，呢啲民生舖頭應該就冇伏。我叫左個沙爹牛肉公仔麵，加埋腸仔煎蛋多士同一杯嘢飲，40蚊左右就正常價。佢既上餐速度好快，唔使5分鐘就黎曬啲嘢。所有食物都熱辣辣，係呢個咁凍嘅朝早，為我帶來了一絲絲暖意。這個餐加埋個份量都幾足，可以食飽，去到午飯時間都唔肚餓。這個餐正正常常，烘底多士脆嘅 。沙爹麵味道同平時啲茶餐廳差唔多。麵質唔硬，亦都唔太淋，仲有啲彈性。算係正常嘅一般茶餐廳，有時間過嚟食早餐都唔錯。

夜晚唔知食咩好，求其去左附近餐廳食左個常餐，揀左葡汁焗雞球飯，夜晚有老火湯送， 今次既老火湯係青紅蘿蔔豬骨湯，飲落都係味精湯既感覺，不過幾好飲。以為焗飯會等得耐少少，點知都幾快上菜，等左大約十分鐘就有，個焗飯其實不過不失，葡汁份量都好夠黎撈飯，雞球可以再滑啲，再加三蚊有凍飲。對晚餐要求唔太高既人都可以係度求其食一餐。佢其他小菜配飯價錢就會比較貴，不過見佢份量都幾多，適合幾個人 share 一齊食多啲，總括而言都係不過不失既一餐。

話說放工肚餓，周圍冇乜野食，又唔想行，就貪方便去呢度食。叫咗一個京都炸醬麵，一上枱，碗野的醬係鮮紅色，心知不妙，不同平常食開的橙色，炸醬也不像，係肉絲炒面的肉絲，一入口完全唔係果回事，不如叫茄汁肉絲麵，真係超級不似預期，我只係想食一碗正常普通的京都炸醬麵，唔識整好心唔好拿出來賣，好彩仲有碗正常既湯可以用來洗麵洗走晒啲醬。呢間野上次食艇仔粥d材料都係古古怪怪，無端端會有魚片，但又冇咗大路野。 如果想挑戰味蕾，不妨一試。如果想放工食個平常飯，建議响呢度食返啲茶餐廳野比較穩陣。

去食個早餐，個曲髮戴眼鏡既呀姐落單，講得非常清晰，西式早餐係要全熟蛋，黎到個蛋黃係全生既。塊午餐肉薄到一個點。已經好有禮貌唔該前唔該後，果個咁既呀姐，串77咁，我：煎蛋麻煩你全熟蛋吖。呀姐：即係熟蛋啦係咪呀我：凍檸水少冰少甜呀姐：即係凍檸水少冰甜啦係咪呀。語氣係串你果種，唔係覆單果種。第一次幫襯，亦都係最後一次

今天入屯門探親戚，想吃下午茶，到了兆康商場兩合特色餐廳。到達後點了一個醒神麵餐，沙爹牛肉出前一丁配餐肉煎蛋牛油方包。沙爹牛肉丁面還可以，但沙爹汁有點鹹，方包就只有一點點牛油，餐肉薄到一張紙。餐肉也不是什麼貴價食材，希望能改善

**難食 普通茶餐都搞到咁 以後都係嗌網上外賣平台**1. 炸雞翼 薯條 凍檸茶 $382. 吉列魚柳 沙津 凍奶茶 $38炸雞翼 個雞翼唔知放左幾耐 好似翻炸咁唔新鮮又細隻得三隻又無雞味吉列魚柳 灰灰地色 好難食唔新鮮淋之之 無魚味 唔知食緊乜薯條🍟又淋又濕m記仲好食好多野飲咁普通都咁難飲奶茶無茶無奶味 飲水咁檸茶又無乜檸檬最嬲係電話落單條友勁串又無禮貌 自己背景嘈聽唔清楚就成個訓導主任咁 我打黎想嗌野啫 唔洗咩服務但唔好令人難受啦 咩語氣態度黎架//俾啲態度做翻好少少啦//對自己要求高少少好無 雖然您都唔憂做

今日去到屯門找朋友，她家附近不多餐廳，就最後決定去這間食，來到時差不多下午茶時間，我們就等多陣才叫，我就叫了五香肉丁米粉，來到碗十分大但是食落去米粉好少，五香肉丁都幾大粒份量都夠，而我就加配加一元多士，微溫都有點牛油幾香，另外有幾款選擇就選了煎蛋午餐肉，味道都正常而且都新鮮不錯，油一點還可接受。飲品方面就飲熱檸檬茶，杯勁熱所以最後倒在膠杯，茶底味都不錯夠濃，檸檬味偏少，而朋友就叫了凍奶茶就味道不錯。

午餐 沙嗲牛肉公仔麵 ($43)沙嗲醬足味，但係肉只得3舊性價比有點低但勝在個面 煮得啱啱好 所以幾好食而 餐配埋一件奶油厚多好食到不得了 奶油都夠份量多士鬆脆凍奶茶 跟餐 (+$2)偏向重奶味，個茶好香正宗茶記奶茶