牛皇星 (Moved) New Location

經友人介紹: 他們的牛脊很美味, 所以昨晚登門一試。以為得一層地舖, 卻原來上面幾層都係佢, 上了四樓。與女友同吃, 我們都不是大食人士, 點了牛脊, 娃娃菜, 脆肉鯇和豬腰; 飲品是竹蔗芧根水, 湯底是皮蛋莞茜湯。湯底夠清- 清到無味, 有點鹽及胡椒味, 皮蛋莞茜倒是不少的。鼓油是自己動手“撈”的, 可加蒜蓉及辣椒(食後發現, 成餐精華所在就是這碟鼓油)牛脊的肉質還是可以的, 只是無肉味, 沒有沾鼓油的話, 根本就無乜味。湯底無味是敗茟, 雞粉都唔落多粒, 咁孤寒又為乜?娃娃菜無味係菜的問題, 唔關佢事, 不過食落有沙就係佢洗得唔夠乾淨。豬腰確係爽脆, 但弊在無味, 好似用梳打粉“”過咁, 乜味都無。脆肉鯇呢…一個字, “UN”囉, 好似像膠咁, 又係淡而無味!竹蔗芧根水又點? 答案係黃色有渣糖水一樽(D渣用黎呃蔗水, 俾少D), 盛惠28個大洋。豬腰及脆肉鯇下面有粉絲托底, 一試即棄, 同像筋一樣咁“UN”飯後有生果, 橙一個(已切好)&西瓜數片, 尚算清甜; 但弊在叉都無隻, 要用筷子食。最後講下個美的電磁爐, 真係氣若游絲, 火都無滴, 即將圓寂。小弟等佢水滾, 都等到一把火;