和記廚房

Open Now

Now Closed

兩星期一次嘅飯聚，唔知食乜好，見呢間食評都幾好，雖然喺荃灣，都山長水遠入去試下，佢嘅位置對於我呢啲九龍東嘅人黎講，都幾難揾下，"香車街"更加係第一次聽聞，去到街市大樓外，已經望倒樓上有啲燈飾，可能為左吸引外來客，佢有分冷氣區同食煙區，朋友雖然食煙，但大熱天時佢都寧願坐冷氣區。菜牌都有好多小菜款式，見食評個炸茄子豆腐好多人讚，朋友想試下，（但菜牌係寫XX豆腐，唔記得左，但唔係寫茄子），另外叫左個黑椒牛仔骨，一支啤酒，一碗白粥，牛仔骨先到，好多獻汁，味道覺得太濃，同食落有啲漿口，再黎就係期待嘅炸茄子豆腐，外觀唔錯，茄子炸得ok，但個豆腐就差好多，完全唔脆，仲係冧嘅，上面舖左啲好似紫菜碎，但食落原來係一啲切碎左嘅菜咁嘅野，但冇喱味道又鞋鞋地，再咬開先知原來唔係豆腐，淡黃色有啲似玉子豆腐，但都係冇味道，加上唔脆，口感真係好差，雖然佢淋左啲甜燒汁喺周圍，但都幫助不大，朋友同我各食一件就冇再夾了，好在只叫左兩味，朋友話不如去第度再食過，事關兩星期先聚一聚，唔想咁樣完場。其實呢度嘅員工都好nice，環境都乾淨，客人都多嘅，可能係咁啱我地叫呢兩個小菜做得麻麻。