鮮芋仙 (V Point )

Open Now

Now Closed

鮮芋仙都食過幾次，記得一開頭食都係叫外賣，因為堂食太多人排隊，冇一次成功等過堂食。而家就少咗人食，終於可以試吓堂食會唔會再正啲。最鍾意佢嘅紅豆湯，所以一定係熱嘅。今次叫芋圓3號，有紅豆、芋圓、珍珠。佢嘅芋圓同珍珠都好煙靭，份量亦都唔少，每一啖都一定會有芋圓珍珠。每次叫一碗都要兩個人share先食得晒。不過感覺上而家嘅份量好似少過以前，以前係會多到唔想食，而家係比正常偏多。可能夏天啲人通常都係叫冰食，下次再嚟就可以試吓。