星小宴

Open Now

Now Closed

天寒地凍， 最啱就係約埋屋企人一齊嚟食雞煲。 一間位於黃金海岸商場嘅中菜館《星小宴》， 之前推出咗炭爐雞煲同埋羊腩煲， 雖然天氣寒冷， 但係喺戶外對住個火爐，一齊食雞煲、談天說地， 真係幾正。火爐用咗環保炭， 冇煙之餘仲好襟燒， 大約都可以保持到兩三個鐘。 呢間餐廳嘅環境優美， 戶外再有少少歐陸感覺，而且又對住遊艇會。餐廳內部嘅裝修亦同樣高雅。呢度嘅雞煲色香味俱全， 雞件尚算嫩滑，味道方面夠曬香濃， 惹味得黎又有少少麻辣，正。呢一碟安格斯牛肩色澤紅潤而且雪花平均， 輕輕淥一下之後，五成熟剛剛好。 牛味香濃，入口即溶。韭菜餃大大隻， 餡料豐富， 韭菜非常香濃。另外，魚腐軟熟，香口，小朋友實鍾意。寬粉淥完之後， 晶瑩剔透， 口感煙韌，相當彈牙。天寒地凍， 可以大家一齊圍爐取暖，確實溫馨。希望疫情快過，大家可以名正言順慶祝一番。