輝

Open Now

Now Closed

天氣咁凍，真係離不開鍋物。近近地銅鑼灣呢間，環境幾好，有落地玻璃，望到室外，坐得舒服。宮崎豚肉涮涮鍋 $388宮崎豚肉應該唔駛多介紹，一向有口啤，疊到成座山咁。昆布湯底清甜，唔會搶走豚肉味。天寒地凍，加上酸汁助攻，越食越起勁。串燒免治雞肉棒豐富咬口，配以蛋漿加醬汁，比起平時淨蛋漿有更好體驗。豚肉年糕燒一樣嚼勁豐富，大葉豚肉卷會紫蘇葉香味，牛舌既厚又爽，豆腐外脆內軟，燒芝士咸咸地唔太膩，仲有燒粟米。精選壽司拼盤 $588選材當天新鮮食材。有竹籤魚食幾特別，海膽入口即溶，帶子肥美，蟹肉蟹膏味濃，北寄貝爽甜，拖羅油脂一流，仲有高質鮑魚等等。吉列珍寶海蝦 $138成日講唔新鮮既海鮮先會拎去做吉列，原來用鮮蝦個感覺系咁震撼。蝦肉彈牙到一個點，而且大大只，外層系邪惡既吉列，值回票價。