Video
Read full review
2023-04-13
32 views
⚜️暫別凡塵，來一場牛肉盛宴🔱香港🇭🇰地從來要食又靚又新鮮既牛肉一向唔容易，難得今日有唔食牛肉既朋友都唔介意去呢間牛肉專門火鍋店，無理由唔出席捧場🎉噶？！😏火鍋店位於旺角鬧市中既彌敦道旁樓上，上到去就會見到大大個特色霓虹燈牌🔅。內裝格局有少少似傳統港風 X 潮汕牛肉火鍋🍲牆壁上有曬水牌展示唔同既牛肉部位🥩有醬料自助吧，自己混醬，地方整潔企理。食飯鐘數唔book一定爆無位，好彩有book位！😌坐低第一件事當然就係叫左個鍋底先啦🤓，食牛肉火鍋主要係食肉🐂，所以點個牛骨湯底係定律來，另外就試下個酸菜🥬底。跟住就係叫肉啦，total叫左幾轉，主要都係叫匙仁，吊龍，因為呢兩個位來講最好食！另外就叫左d牛丸同其他火鍋配料🥘。牛肉來講係新鮮既，肉質都可以，點解講可以，係因為食過更好食既手切牛，好大機會係品種問題😅。個牛丸就一般到一般了，粉太多，去唔到彈牙同唔係新鮮手打，其實唔使叫😞。其他火鍋配料叫做不過不失，無驚亦無喜😬，平平淡淡。總結來講可以一試既，好好食未算，但比下有餘！服務方面唔知係咪人手不足，當日得一個waitress serve我地，同時距仲要埋單同清枱，見到距都唔好意思叫距加湯😂不過距都儘
⚜️暫別凡塵，來一場牛肉盛宴🔱
香港🇭🇰地從來要食又靚又新鮮既牛肉一向唔容易，難得今日有唔食牛肉既朋友都唔介意去呢間牛肉專門火鍋店，無理由唔出席捧場🎉噶？！😏
火鍋店位於旺角鬧市中既彌敦道旁樓上，上到去就會見到大大個特色霓虹燈牌🔅。內裝格局有少少似傳統港風 X 潮汕牛肉火鍋🍲牆壁上有曬水牌展示唔同既牛肉部位🥩有醬料自助吧，自己混醬，地方整潔企理。食飯鐘數唔book一定爆無位，好彩有book位！😌
坐低第一件事當然就係叫左個鍋底先啦🤓，食牛肉火鍋主要係食肉🐂，所以點個牛骨湯底係定律來，另外就試下個酸菜🥬底。跟住就係叫肉啦，total叫左幾轉，主要都係叫匙仁，吊龍，因為呢兩個位來講最好食！另外就叫左d牛丸同其他火鍋配料🥘。
4 views
0 likes
0 comments
牛肉來講係新鮮既，肉質都可以，點解講可以，係因為食過更好食既手切牛，好大機會係品種問題😅。個牛丸就一般到一般了，粉太多，去唔到彈牙同唔係新鮮手打，其實唔使叫😞。其他火鍋配料叫做不過不失，無驚亦無喜😬，平平淡淡。
5 views
0 likes
0 comments
2 views
0 likes
0 comments
總結來講可以一試既，好好食未算，但比下有餘！服務方面唔知係咪人手不足，當日得一個waitress serve我地，同時距仲要埋單同清枱，見到距都唔好意思叫距加湯😂不過距都儘量滿足我地枱既要求，算係唔話得了，呢個like！
Post
