王牌冰室 (九龍貿易中心) (Closed)

上個星期五幫襯完，今日再幫襯，的確沙嗲牛肉麵質素保持良好，牛肉有口感得來又唔太硬，亦都爽身，非常之合適做沙嗲牛肉麵。我要求爽麵 ， 廚師做得剛剛好，麵剛剛散，而且吸了好多濃湯，超級入味。今次同上星期唔同嘅係我無食嗰個鹹到爆炸嘅多士，我加了$3食個奶油多，奶油多很鬆脆，煉奶多，非常有誠意，整個餐完全食晒，非常滿足。今次係完美嘅配搭。