Video
Read full review
2010-10-20
26 views
12-10-2010是日收工時間終於「正常」一點, 亦難得朋友約食即興 dinner, 2 人約 8:30pm 嚟到銅記無乜心水下, 入了呢間老字號豉油西餐廳食個 2 人餐 (前菜/湯, 主菜, 甜品及餐飲各 2, ).Starter #1 「海龍皇湯」: 典型的港式西餐廳龍蝦湯, 飲落帶點羅宋湯的酸味 , 不過都有點「蝦殼」味道的, 亦有粒粒龍蝦肉, 算係咁吧; 不過質地就有點太糊 / 杰, 印象一般.圓形甜餐包反而幾好食, 熱辣辣夠鬆軟, 食落微甜, 塗點牛油 (已 soften) 食, 滿意. Starter #2 大蝦沙律: 典型的港式西餐沙律, 面頭一大 pat 沙律醬 (Kraft 牌?), 大蝦爽實而無乜味, 下面除了 greens 仲有薯仔沙律及(罐頭)雜果沙律混作一團, 都幾「兒時味道」的感覺. 主菜 #1 瑞士汁干炒牛河: 呢度名物, 當然要試試 河粉條條薄滑上色, 配上黑漆漆的瑞士汁, 食落唔覺特別「瑞士」, 似食腸粉 / 蒸飯供應的甜豉油多 d , 不過又幾好食. 牛肉質地軟腍, 無乜肉味, 不過「梳打」度亦唔高, 都不錯; 仲有大量我一向麻麻
12-10-2010
是日收工時間終於「正常」一點, 亦難得朋友約食即興 dinner, 2 人約 8:30pm 嚟到銅記無乜心水下, 入了呢間老字號豉油西餐廳食個 2 人餐 (前菜/湯, 主菜, 甜品及餐飲各 2, ).
Starter #1 「海龍皇湯」: 典型的港式西餐廳龍蝦湯, 飲落帶點羅宋湯的酸味 , 不過都有點「蝦殼」味道的, 亦有粒粒龍蝦肉, 算係咁吧; 不過質地就有點太糊 / 杰, 印象一般.
圓形甜餐包反而幾好食, 熱辣辣夠鬆軟, 食落微甜, 塗點牛油 (已 soften) 食, 滿意.
Starter #2 大蝦沙律: 典型的港式西餐沙律, 面頭一大 pat 沙律醬 (Kraft 牌?), 大蝦爽實而無乜味, 下面除了 greens 仲有薯仔沙律及(罐頭)雜果沙律混作一團, 都幾「兒時味道」的感覺.
主菜 #1 瑞士汁干炒牛河: 呢度名物, 當然要試試 河粉條條薄滑上色, 配上黑漆漆的瑞士汁, 食落唔覺特別「瑞士」, 似食腸粉 / 蒸飯供應的甜豉油多 d , 不過又幾好食. 牛肉質地軟腍, 無乜肉味, 不過「梳打」度亦唔高, 都不錯; 仲有大量我一向麻麻的豆角, 不過脆卜卜豆角配軟滑河粉同吃, 口感較豐富之餘, 感覺上亦無咁飽膩, 正 幾好食的一碟牛河, 值得試試.
主菜 #2 瑞士雞翼: 隻隻肥大, 雞肉少少嚡, 但食落幾腍又多汁, 雞皮則吸滿甜甜的瑞士汁, 質地亦爽身, 正 「元祖」店果然好食 d, 值得試試.
甜品 #1「蛋糕仔」: 蛋糕帶點橙味, 較乾, 配上好甜的忌廉, 諗起細個時最怕食到的 N 年前美心/聖安娜出品...
甜品 #2 啫喱: 係黑加侖子味, 比「蛋糕仔」更「兒時味道」, 哈哈
最後飲杯熱奶茶, 雖然唔滑, 但茶味幾香, 滿意的.
Weekday 夜晚原來都幾多人, 坐落幾嘈, 冷氣又好大, 不過 2 人有 4 人梳化椅卡位坐, 無投訴的; waiter 們大部分係上了年妃的大叔, 帶點「傲氣」亦唔算友善, 不過效率係幾高的, 算吧.
埋單每人約 $160, 唔平, 但亦唔係特別貴, 而 $160 用喺呢度絕對比用喺任食打邊爐或 e.g.「板記」連鎖「金三文魚」壽司店抵得多, 可以一試的.
Post
