敬輝農場 (Closed)

在上水跳上的士轉眼到達，一落車喜見曙光，好有仙氣喎 ﹗想去農場閒悠多時，終於有時間又有機會喇。好想食田園靚菜囉，但某某天煞的揀飲擇食，只食莖不食葉，就連西蘭花、椰菜花、通菜，都指定食莖不食葉。奈何只剩唯一的生菜無其他喇，唯有放棄。步入農場，發現內外都跟我所幻想的差很遠啊。走到飯堂士多處，有玩具、草藥、熟食、零食、等等售賣。差不多三點都還未食 lunch，好肚餓呀﹗食左先散步啦，快快醫肚最緊要。馳名農家咸雞，某某天煞的揀飲擇食，又唔食烏頭又唔食豬手，唯有叫雞啦。居然係三黃新鮮雞，超讚滿分，好野喎﹗肉嫩結實彈牙，鮮雞味濃，咸香宜人可口，不濁不過火，任何調味料都慳返。滑溜咸雞肉連雞油送飯一流，絲苗白飯濃濃大陸米味道，飯香非凡，又有點似兒時吃的麻包袋白米呢，有麻包袋氣味，非常有味夠田園。上湯蠔油炆鮮菇，完全無蠔油味亦唔見有蠔汁，非常淡喎，忘記了落嗎？清爽原味夠原始，吃得到無添加，冬菇天然，多汁滑溜爽口。一舊舊黃色配菜以為係筍，原來係雞髀菇，同樣爽爽又菇味芳香。農家老火湯，飲到最後終於估到係竹蔗茅根粟米雞腳湯，絕無味精。非常清純的老火湯，雞腳膠黏，一啜骨肉分離，還可以啦。大朗豆腐花，有凍有熱供應