鳴虎 (東港城)

Open Now

Now Closed

東港城日式超市內開左一間新拉麵店，感謝祭血拼之後見到6點至9點有餃子(或者汽水) 送咁抵，就坐底左食拉麵。日本魚乾豬骨湯拉麵 $88湯底帶濃香鰹魚香味，原來用左4種鮮魚熬製，豬骨湯白雪雪夠濃厚，唔會死咸，濃郁湯底一般會配較粗同有咬勁嘅麵底，呢度都唔例外，配料有黑目耳絲，紫菜，溫泉蛋1隻，叉燒3片，叉燒用上火炙五花腩，食完暖笠笠，加口清爽麥茶，滿足。蝦味噌豬骨濃湯拉麵 $88另一碗試蝦味噌，一上枱就見到灑上滿滿櫻花蝦粉，蝦香撲鼻，湯底用北海道鮮蝦同櫻花蝦粉，味噌咸中帶甜，配料同樣是黑目耳絲，紫菜，溫泉蛋1隻，叉燒3片。小食叫左芝麻雞翼 $48, 炸得好香脆，連雞翼尖都唔可以放過。龍蝦沙律$38 跟5塊紫菜，可以包住龍蝦沙律食，38蚊有2大球龍蝦肉，感覺賺到了，滿滿龍蝦肉混入蟹籽同沙律醬，紫菜香脆，口味清新，做頭盤配搭一流。個人覺得對比對面的大型拉麵店，呢間鳴虎湯底更濃郁，唔死咸，麵底更有彈性，坑口街坊又多一個美味拉麵嘅選擇。