雅景餐廳小廚

Open Now

Now Closed

香港冬菇亭買少見少，呢間冬菇亭喺火車站隔離地點好方便，早餐份量好大，每次嚟都一定係食沙嗲牛出前一丁。早餐時段去到11:30，就算瞓晏咗都仲可以食到，不過就算真係趕唔切都仲可以叫常餐。呢度嘅沙嗲牛丁唔係清湯底，真係本身個湯底已經夠晒味，加埋個牛本身肉質唔錯，味道又夠晒沙嗲，絕對係必食之選。雖然減緊肥食完好有罪惡感但係又好滿足，呢個沙嗲牛就係有咁嘅魅力。其實呢度嘅奶油豬都好唔錯，雖然冇得用跟早餐嘅餐包轉奶油豬，但係下午茶有奶油豬餐，加杯嘢飲都係唔錯嘅選擇嚟㗎。