Video
Read full review
2010-03-05
92 views
我時常上Openrice睇食評, 甚少寫. 但今天真係食得不快. 不得不說. 今日同女朋友到銅鑼灣食晚飯, 女朋友係蟹痴, 打算去鵝頸橋果面食蟹. 女朋友話好耐無食過潮洲咸蟹, 知道新光有得食, . 我以前係灣仔返工日日經過見到好多明星相係門口, 都成日想試下, 咁就兩個人去左新光坐下二話不說, 叫隻咸蟹. 阿叔就俾隻手掌咁大既咸蟹我睇, 價值$780. 心諗咁都幾貴喎. (因為真係唔係好大隻)不過一場黎到. 女朋友又想食 OK喇. 又唔係到到有得食 貴D 都滿足下女朋友喇. 叫多碟鵝片拼鵝腸. 食住先.碟咸蟹一到, 賣相都幾靚, 不過一擺入口, 心諗賴野. 超咸, 咸到苦. 我唔係未食過咸蟹. 正常好有咸香味. 唔係死咸味. 食左兩件仔. 女朋友頂唔順, 同阿叔講好咸, 咸到食唔到. 我叫阿叔試下. 佢拿了一件入廚房話幫我跟跟. 跟住有個四眼阿叔出黎同我講"咸蟹係咸架喇" 我夠知係咸喇唔通係甜咩. 係咸都唔係食唔到呀喎. 跟住佢同我"食咸蟹係(食送)花彫架" 下唔通飲花彫就唔咸既? 佢話"咸蟹係咁咸架喇"咁就行左去. 另一個阿叔都有D良心, 主動俾D熱水我地浸下D蟹黎食. 不過佢話其
今日同女朋友到銅鑼灣食晚飯, 女朋友係蟹痴, 打算去鵝頸橋果面食蟹. 女朋友話好耐無食過潮洲咸蟹, 知道新光有得食, . 我以前係灣仔返工日日經過見到好多明星相係門口, 都成日想試下, 咁就兩個人去左新光
坐下二話不說, 叫隻咸蟹. 阿叔就俾隻手掌咁大既咸蟹我睇, 價值$780. 心諗咁都幾貴喎. (因為真係唔係好大隻)不過一場黎到. 女朋友又想食 OK喇. 又唔係到到有得食 貴D 都滿足下女朋友喇. 叫多碟鵝片拼鵝腸. 食住先.
碟咸蟹一到, 賣相都幾靚, 不過一擺入口, 心諗賴野. 超咸, 咸到苦. 我唔係未食過咸蟹. 正常好有咸香味. 唔係死咸味. 食左兩件仔. 女朋友頂唔順, 同阿叔講好咸, 咸到食唔到. 我叫阿叔試下. 佢拿了一件入廚房話幫我跟跟. 跟住有個四眼阿叔出黎同我講"咸蟹係咸架喇" 我夠知係咸喇唔通係甜咩. 係咸都唔係食唔到呀喎. 跟住佢同我"食咸蟹係(食送)花彫架" 下唔通飲花彫就唔咸既? 佢話"咸蟹係咁咸架喇"咁就行左去. 另一個阿叔都有D良心, 主動俾D熱水我地浸下D蟹黎食. 不過佢話其實都無咩用. 因為一樣咸到食唔到.
碟鵝片亦係普通貨色
最後碟蟹食左四份一, 鵝片食左一半(無心情食). 全晚最好係支青島.
我去食件幾舊水既牛扒, 有筋. waiter見到都主動同我換過碟喇.
係依D老店都知唔會有咁既服務. 又唔係酒店扒房. 但果個四眼阿叔D語氣真係難受
食左我$1045,難食 仲要受佢氣, 返屋企仲要煮個一丁
我唔會話佢係黑店, 我知隻蟹幾錢先叫. 不過我想物有所值, 唔係叫隻蟹黎欣賞, 之前有位仁兄話客觀評論才有意思. 今日我就用左隻金牛作客觀評論囉. 新光又唔係勁出名既食店, 做咩咁多人要抹黑佢呢, 係抹黑都抹黑橋底X蟹啦. 價值觀大家唔同, 但大家都係外面食開飯, 會俾$500一個人一餐既人. 都會係其他地方用咁既價錢食過飯. 值唔值心中有數.我就俾左1000蚊兩個人, 係差唔多無食過野, 我依世都唔會再去.
Post
