Video
Read full review
2018-03-05
472 views
自從熊妹轉左工之後，好耐無見過舊拍檔喇，終於約到出黎食下野傾下計見下面聚下舊。熊妹2點黎到又一城，見舊拍檔未到，兜左個圈，睇下有咩好食。行到溜冰場旁的EXP，忽然唸起佢啲薄餅好好味，再問下舊拍檔意見，原來佢未食過EXP，又係熊妹大展身手推介美食的時候喇。坐低已經2點20分，仲係lunch set menu，熊妹一眼就spot到有得揀pizza，仲唔即時卜搥? 其實lunch set係平時的main course 再包杯鮮渣果汁飲品，價錢就只係原本散叫的main course價，飲品免左，都算幾抵架，本身鮮渣果汁飲品都要$35一杯。其他lunch set 就係飯同意粉，熊妹同舊拍檔都無咩興趣。揀唔到其他lunch set，熊妹就緊係推介下熊妹每次黎到必點的招牌菜喇，軟殼蟹沙律，堅係好正架! $68但好大一盤，入面有4件軟殼蟹，體積唔細架，熱辣辣岩岩炸起，肉質好紥實，唔會話用好多炸粉掩人耳目。 唔好睇啲菜好似好乾無咩汁，其實佢每塊菜食落去都好清新好濕潤，但食到最後又唔會覺得有好多汁剩係底，沙律汁同菜的比例絕對係調較得剛剛好，夠味之餘又唔會因為過多的醬汁蓋過了菜本身的清新，仲有幾粒花生粒同蕃
熊妹2點黎到又一城，見舊拍檔未到，兜左個圈，睇下有咩好食。行到溜冰場旁的EXP，忽然唸起佢啲薄餅好好味，再問下舊拍檔意見，原來佢未食過EXP，又係熊妹大展身手推介美食的時候喇。
坐低已經2點20分，仲係lunch set menu，熊妹一眼就spot到有得揀pizza，仲唔即時卜搥? 其實lunch set係平時的main course 再包杯鮮渣果汁飲品，價錢就只係原本散叫的main course價，飲品免左，都算幾抵架，本身鮮渣果汁飲品都要$35一杯。
軟殼蟹沙律
$68
55 views
0 likes
0 comments
其他lunch set 就係飯同意粉，熊妹同舊拍檔都無咩興趣。揀唔到其他lunch set，熊妹就緊係推介下熊妹每次黎到必點的招牌菜喇，軟殼蟹沙律，堅係好正架! $68但好大一盤，入面有4件軟殼蟹，體積唔細架，熱辣辣岩岩炸起，肉質好紥實，唔會話用好多炸粉掩人耳目。 唔好睇啲菜好似好乾無咩汁，其實佢每塊菜食落去都好清新好濕潤，但食到最後又唔會覺得有好多汁剩係底，沙律汁同菜的比例絕對係調較得剛剛好，夠味之餘又唔會因為過多的醬汁蓋過了菜本身的清新，仲有幾粒花生粒同蕃茄仔，令到成個沙律唔至單一的味道，實在係沙律中的佳作。舊拍檔都驚喜萬分，讚口不絕，熊妹同舊拍檔好快就清左碟沙律
係EXP叫親pizza都會先上一個pizza木托來托pizza既，個pizza托特別係EXP其中一個字黎架，好切合餐廳的主題，今次我地係X字，熊妹幾欣賞呢種presentation，真係幾特別又實用!
煙三文魚紅葱薄餅
$98
37 views
0 likes
0 comments
好，pizza來了，今次跟餐叫的係煙三文魚紅葱薄餅。先講餅底， 一貫的煙韌口感，就係迷倒熊妹的味道喇。呢隻質感唔似一般薄餅麵包的口感，又唔係薄批脆脆的質感，係煙煙韌韌軟糯的薄餅餅底，係以前熊妹去英國旅行第一次試到熊妹認為真正屬於西方薄餅的質感，真係好令人回味呀！
再講返啲餡料先，紅葱即係紅色洋蔥，味道酸昧昧的，中和返煙三文魚的咸味，又幾夾喎，煙三魚都滿怖薄餅面上，又開胃又足料又飽肚，熊妹同老拍檔最後都食唔哂，剩左六分一件。
最後到飲品，EXP其實的鮮渣果汁係幾出名，夠新鮮，夠多料，夠好味，夠健康，直情係門口有個counter外賣“果汁行街街”，可以一路行又一城一路飲。
go green
$35
44 views
0 likes
0 comments
舊拍檔揀左go green，包含青蘋果，奇異果，葡萄，檸檬，老拍檔share左一半俾熊妹試下，又真係幾green，幾清新，唔會好甜，生果沙沙地的口感，感覺有好多生果材料，唔錯。老拍檔直情認為呢杯果汁跟軟殼蟹沙律絕對係健康的配搭，令人食多左都唔會覺得有罪惡感。
citrus kick
$35
50 views
0 likes
0 comments
因為沙律係散叫的，所以熊妹都額外點左杯果汁，呢杯叫cirtus kick，包含橙，西柚，紅蘋果，百香果，檸檬。熊妹都share返一半俾拍檔先，開心share 嘛。呢杯就甜啲，橙同西柚味出啲，仲有粒粒百香果核，配搭都好夾，兩杯飲品好快飲完。
2點半其實轉下午茶餐，2點幾呢個時間黎到坐真係岩哂，又可以點午餐，又可以點下午茶餐。下午茶餐都幾抵食，價錢便宜又大份，不過熊妹同舊拍檔的肚子真的撐不下了，下次一定要來試試!
今次沙律配薄餅，果汁配沙律，熊妹配拍檔，全部都係最佳拍檔!熊妹同舊拍檔坐到5點幾離開喇。舊拍檔不嬲都好疼錫熊妹，今次又請熊妹食，埋單$221，地方闊落，又對住溜冰場，材料咁高質素又咁好味，找不到彈劾的地方，找不到不來的理由。
Post
