牛魔 (Closed)

近年幫襯過無數次既烤肉店---牛魔, 質素依然keep住高質, 推介過唔少朋友食過都讚口不絕。自肺炎疫症係香港漸漸緩和後, 終於放心約朋友出街食飯gathering。太耐冇食過烤肉, 今晚又選擇了"牛魔"。平日晚7點未見人流, 但在8點左右, 餐廳內已經全場爆滿。今晚有備而黎, 提早book位坐到吧檯, 烤肉都會有專人協助。入座後, 先送上三款前菜, 前菜可無限添加【豆腐沙拉配芝麻汁】HK$68幾粒幼滑豆腐粒上, 加上青瓜絲, 混入左芝麻醬, 凍食, 配搭簡單又清新。  【美國Prime牛肋骨】HK$198每次黎都定必order, 亦係餐廳最具人氣之一, 牛肋骨卷住上檯, 灘開長長的, 牛肋骨醃得超入味, 而且好林, 味道甜甜地, 牛味濃郁, 唔洗再額外調味, 已經好正! 不愧為招牌菜。【石鍋拌飯】HK$110熱辣辣上檯, 配料整齊佈面, 加入辣醬再攪拌, 飯質好濕, 少少辣幾惹味, 不過今次就唔太多脆卜卜飯焦, 夾集青瓜片、芽菜、蘿蔔絲, 層次豐富, 但肉份量較少, 整體入口, 唔太食到肉香。【鳳梨梳打特飲】HK$48餐廳自調飲品, 以濃郁菠蘿濃劑沖調, 好夠汽, 甜甜地, 冰凍解渴