樂天皇朝 (將軍澳中心)

Open Now

Now Closed

一諗起小籠包，我就會諗起樂天皇朝，平時多數食晚市，今次係第一次食午市。午市套餐，感覺都幾抵食。餐廳有好多卡座，非常舒適。蝦仁酸辣湯拉麵，份量超級多，酸辣湯濃郁惹味，有超多配料，木耳，肉絲，筍，豆腐等，口感豐富。拉麵香滑，掛汁，超好味！三鮮鮮肉水餃估唔到連水餃都唔錯，肉汁鮮甜，肉味濃郁。菠蘿咕嚕肉炸得酥脆，醬汁調味剛剛好，酸甜味道很平衡，配菜的燈籠椒炒得爽脆，唔會過腍。招牌原味小籠包呢個一定係樂天王朝的必點菜式。小籠包皮薄餡多，多汁，非常Juicy。一口一件超級滿足。花蔬蒸餃裏面超多蔬菜，帶有清甜味，調味足夠，不用點醬油/醋已經好好食！除咗食物質素好，呢度店員的服務態度都好專業，他們會幫忙斟茶，亦都好有禮貌。整體感覺非常好！