天天海南雞飯 (Fashion Walk)

Open Now

Now Closed

未試過新加坡嘅天天海南雞飯，喺香港出咗名咗一段時間，但係就未食過，因為我成日以為最多就係得海南雞飯。但有朋友喺圓方食過分店之後，大力推介，好奇心驅使，我就嚟試下，食過先知原來呢度咁多元化。人多先試得多，先上場的黑松露墨魚蝦多士，大份又好食。冇諗過蝦多士都可以咁新鮮。迷迭香火焰黑金叉燒，呢個係打卡之作，食落去又好食。完全係全場焦點嘅鮮大蝦冬陰功湯，喺你面前煮好多隻唔同嘅大蝦，加埋又酸又辣嘅冬陰功湯。古法肉骨茶，完全喺新加坡嘅胡椒味。原來「老街坊」係呢度另一個品牌，佢出品有個好正嘅牛筋牛腩煲。重點中嘅重點，天天海南雞，加三色醬汁，正呀，個雞又大隻又好味。南海青咖喱，原來好多海鮮，又青口又蝦又有魷魚，不過個青咖喱送飯應該好好。食到成手係嘅新加坡辣椒炒肉蟹配鹹煎餅，絕對停不到口，我以為煎餅好大塊，但原來似蔥油餅。個食神魚子海鮮炒雞油飯好靚，絕對又係一個重點。甜品吃了芒果三色糯米椰漿甜飯同新加坡原味豆腐花，再加左杯50 年代南洋咖啡，款式多元化，而且有地道特色。係新加坡可能一個人就可以食，但係呢度一定要加埋唔同嘅朋友，先食得多野。