金牌火鍋 (Moved) New Location

某個星期五，突然想食火鍋，便想起這間有雜誌介紹過但未去過的金牌，因這間以我的至愛火鍋配料--牛作主打。今次並無叫招牌牛湯底，二人叫左唦嗲拼番茄薯仔湯底。火鍋料叫左蝦滑、牛脛脊(大)、西洋菜、井蠔、魚麵、啤酒、汽水、酸梅湯(好一般)等。番茄薯仔湯底可以，但番茄唔夠多，牛腩就質地軟且依然有肉味，而薯仔就好好味，當然這種湯底要做得好並不困難。唦嗲湯底濃而不夠香，好一般。蝦滑味道鮮，但不夠爽。牛脛脊賣相吸引，軟滑、有牛味，但不是非常突出，而且切得不夠厚。但專程來吃，還等了兩個多小時，相信下次不會了。始終同區的合興依然是最好之一。魚麵唔夠新鮮，但可一試，但女友覺得唔錯。井蠔及西洋菜與一般無異，不想多說。當晚八時左右walk in去到，服務員說要九時十五才有位，於是就四週逛逛，食埋甜味才到，但仍然要等多一小時才可入座。等候中，聽說有部份顧客訂左九點鐘與我們一起等，他們到接近十時才安排到座位。我想店主要在這方面放善一下。而有個女服務員都串嘴，問我地食唔食蝦，我地話叫左蝦滑唔叫蝦，加上前一兩晚又食過，但佢回應係：蝦滑就'檔'蝦，咁易滿足。還對女友說，你男友唔駛買原粒鑽石戒指比妳啦，碎石就得！我覺得佢講