金牌火鍋 (Moved) New Location

牛骨煱味道:唔錯，如街外的牛雜串一樣煱料:只有牛肚牛膀牛肺，比較單調，但它們不會過份淋，不錯。總括: 若用此湯底打邊爐的話，我覺食耐左會好滯菜新鮮，如稻香蝦滑蝦味不足，但夠爽口大桶蠔不錯，但只有4隻，問對方點解只有4隻，對方話因今批蠔大隻d同菜單圖片係2份量=,='明晒補充:茶位HKD20/位花生HKD25/碟

放學後同學仔帶我們去金牌海鮮火鍋吃午飯，先來雪影叉燒包，香脆外皮配美味叉燒又幾唔錯！羊肚珍菌餃，真係很久沒有吃澄麵造的餃子，那通透的外皮帶出晶瑩感，饀料裏的羊肚珍菌是一種珍稀食用菌品種，因其菌蓋表面凹凸不平、狀如羊肚而得名，羊肚菌 含蛋白質，多糖，甲殼質，脂，磷酸鹽。餃子饀料還有有一種名貴果仁，但我一時想不起名稱，餃子味道比較清淡，我們五人茶聚，點選一籠半，合共六顆，第一次見酒樓咁靈活處理。蒸鮮魷尚可。不見油膩的蘿蔔絲酥，冇得頂！菜遠龍躉籠仔蒸飯，龍很滑、香，好味道！很滿足的一頓午飯！

再次嚟金牌火窩，又有新發現！！脆响鈴原來是自家鮮炸的。侍應一扲入嚟，一陣油香撲鼻。放入至正的牛雜湯底數着一、二、三，拿上來，比一般火窩店吃到的脆响鈴鬆脆許多，真的不吃不可。花甲也有驚喜，勁鮮甜。放進番茄薯仔湯底，更顯其真彰。

終於試到傳說中的牛雜火鍋-金牌火鍋！！呵呵呵呵～D牛腩、牛雜好淋，量還算多，湯底好濃好甜。拼脆响鈴簡直一絕！各類丸類均很新鮮，做得出色，建議點四寶丸。點了兩碟白蘿蔔，完全吸收了牛湯的味道，簡直是人間美食呀～另外點了熟食牛腸，又是無得頂。太好吃，完全沉醉在滿桌的美食，忘了拍照。^^

天氣開始凍, 打邊爐癮開始發作~ 短短兩星期內除咗小肥牛, 我竟然特登過海一星期內仲黎咗兩次金牌(分別同媽咪, 朋友)~兩個人竟然坐到架位, 太好了~ d staffs都好有禮貌介紹~ 小肥牛同金牌都係我打邊爐至愛, 各有各賣點, 難分勝負!! 金牌比起小肥牛價錢會貴少少, 但賣點係食材更加新鮮好有味道~叫咗什菌魚頭湯$98, 非常多料, 個湯非常甜, 所以臨走飲咗幾碗~牛頸脊$268(差不多size但比小肥牛貴$100)~ 但金牌切得厚身d, 好有牛味, 好有口感!!海中蝦$28一兩, 4隻係7兩, $196, 好貴~ 但媽咪鍾意, 無所謂啦~炸腐皮$48(比小肥牛貴$12)~ 但金牌新鮮炸得黎更加薄身, 薄到筷子夾會碎, 所以超新鮮超脆超正!!白牛柏葉$38(比小肥牛貴$9), 但比小肥牛切得大塊, 唔會熟咗縮咗水之後食唔到野!!西洋菜, 超級新鮮爽口, 連我食肉多過食菜嘅人都狂食菜~另外金菇$28(比小肥牛平$8)~, 脆鯇魚片$48, 合理~ 芋絲$28~ 粟米$38~ 西洋菜$28~ 豆腐$28(比小肥牛平$2)~可樂$15(比小肥牛貴$6)~總括, 又係非常滿意 我打邊爐

蝦丸，算幾彈口，不過不能滾太長時間會鞋鞋地。美國肥牛，＄98, 不是很多，都唔平。呢個菜，叫日本菜，＄78一份，我以為係普通皇帝菜$38一份，我們重叫了2份。甘貴總之唔叫。都食左落肚，無得上數。響玲我的至愛，上台見到剛炸起的油，好脆，脆到不能太大力夾。＄48有9個，算係甘，平時得6個，食到到喉不到肺。一家3口，打邊鍋，個牛湯底，＄188, 內有牛什同牛骨x2，個湯底同出面牛腩麵甘好好味。我們一家是牛魔王。由於湯底特濃，所以不要食太貴牛肉，因為食唔到鮮味，丸都係，同埋個湯底內已有一些肉，不要叫太多。可能食唔晒，豆腐吸味超正。

一行三人於大年初四打邊爐。訂枱時講明要限時兩個鐘。事旦啦，費事再諗去邊度。總共叫左:番茄暑仔牛肉粒湯底，細肥牛，娃娃菜，金菇，手打四寶丸，雜菇拼盤，脆鯇片，鮮腐竹，竹蔗水埋單共$760。食物全部上枱時都好乾淨，不過份量算細。肥牛都算軟滑同有牛味，唔錯。但湯底附設嘅牛肉粒就非常'鞋'同'un'。仲要係湯一滾就夾出黎食，唔係話煲到尾先食。d蔬菜同菇都算新鮮，上枱時都排得好整齊，唔會話好似亂草或垃圾咁樣。四寶丸就不過不失，無咩特別。侍應好主動加湯同收吉碟。服務不錯。只不過明明無人等緊位都正正兩個鐘就要我地埋單，扣左分。

繼續與大家—齊看看這店的火鍋手工料，這晚我們點了響鈴，四寶丸，手打鯪魚滑，韮菜餃和鳳城水餃等，也算做得不錯。上集講過除了牛雜湯底外，為免全部都太濃味，就加了一個皮蛋芫茜湯底，這湯底也不錯，或者與牛雜湯底相比就較普通，其實湯底夠清也有好處，可以食到材料的原有鮮味。上述手工料中響鈴據說是即炸，但也得攤凍才好食，響鈴放入牛雜湯底內一浸即起，入口口感變化相當複雜，有點脆口中帶點韌，而又有牛雜湯的濃郁香味，而將響鈴浸入較清的皮蛋芫茜湯底內略灼，入口充滿腐竹的香味，確有另一口味。四寶丸，牛丸打得夠彈牙，牛味濃郁；鯪魚丸入口不腥，但魚味濃郁；墨魚丸爽口彈牙；豬肉丸也打得夠韌度，入口鮮甜手打鯪魚滑，軟硬度適中，潤滑鮮味，魚味濃郁，配芫茜皮蛋湯底夠鮮味，但配牛雜湯底就有點怪。韮菜餃，韮菜餡料十分，鮮甜味美，配芫茜皮蛋湯底清香可口，但配牛雜湯底就被牛雜汁的味完全蓋過，失去了餃子原味。鳳城水餃，用料豐足，原隻蝦仁加入木耳、豬肉和鮮笋等，配芫茜皮蛋湯底清甜可口，爽口彈牙，而配牛雜湯底就有食麵舖的牛雜拼水餃的風味。太太食完也對這餐生日飯非常滿意，除了味道不錯外，最重要的是覺得一班朋友跟她慶祝，那種友情的溫暖更是

很久沒打火鍋，適逢太座生日，她的朋友相約食火鍋，最終就挑選了這店；如果以傳統火鍋來說，要寫一編食評只會從食材是否新鮮着筆，但很多時灼得不好也影響了食材的本質，做成對店舖的出品做成一點不公平，所以對純生料不打算作評價。然而時代進步了，做飲食行業者也推陳出新，推出了不少新款湯底，這晚就嚐試了其中一個又創新、又突別的牛雜湯底。—行五人，坐下後就準備挑選湯底，發現此店有一個外間少有的牛雜湯底，單點這湯底怕會太單調，問了職員加$20還可以加另—款湯底變成自選鴛鴦湯底，所以另一邊就加了皮蛋芫茜湯底。特別要提醬料，外間一般都有十幾款供選擇，而這店只有九款，但勝在到位，不會辣油一款，辣醬又一款，辣椒粒都兩款，多而無用，而這店當中用上白芝麻，混醬後在口內可增加口感，非常有意思。這晚生料點了肥牛，豬皮，西洋菜和蓎蒿，芋頭，蘿蔔和蠔，這些生料都算新鮮，當中蠔選用了美國蠔，灼過火也不會縮得太細，其餘上述幾樣都只是靠自己灼的工夫，無特別。牛雜湯底是個人很想推介的重點，湯底用了牛骨去熬煮，牛味濃烈，再加入牛雜蘿蔔一齊，上檯時就像街邊牛雜檔一般模樣，內裏有牛肚，非常爽甜彈牙；牛肺，淋軟可口；牛根，膠質重，淋軟之餘有

星期六晚約一大班朋友食生日飯, 叫了兩個鍋, 一個係招牌牛雜鍋, 另下個是椰子鍋, 牛雜鍋味道不錯, 滿滿都是牛雜, 好豐富好似街邊的牛雜風味, 還有蘿蔔都夠味道，本人喜歡重味的所以椰子鍋只要淺嘗，味道清新打牛肉餃幾好。火鍋配料不是很多款式，手切牛沒有特別，竹笙和響鈴一般, 牛肉餃子味道似山竹牛肉比較特別，九菜餃不夠香, 貢丸都幾好食。服務上欠佳, 侍應好像發夢中，送食物時將碟上的水, 倒到枱上, 叫他們抺枱, 他們回答得閒先，又倒瀉啤酒, 經理都算有善，但仍需改進。

金牌火鍋，是我每二三個月會黎地方。朋友相聚，打邊爐最好，首先一定要叫牛骨鍋入面放了很多牛雜，味道濃郁，再叫了本地肥牛，牛味重，配合得好好另外叫了炸響鈴，是新鮮即炸的，沒有油益味，是天文我每次必叫食物朋友叫了花膠，有意外驚喜，因為爽爽地，又幾好味喎

主角係金牌牛雜鍋，勁足料，淨係食鍋入面D牛腩、牛雜都好飽架，最後都打包左一大碗腩雜返屋企，非常入味，真係好好味。大碟手切牛肉，十分正大碟雪花牛肉，一樣係好正一份唔知咩斑定咩眉，又係好好食仲有象拔蚌刺身，生食或者灼一灼食都好食，好鮮甜，但頗為貴就唔係咁抵囉朋友推介既響鈴，碌一碌就即食，係好味但食得唔多，太大個又漏桶蠔我就無咩興趣

一向沒有吃宵夜的習慣和癮，這夜全為了爭取時間聚舊而難得出去吃了餐宵夜。我們去了位於佐敦的金牌火鍋。一段時間沒有來過了，宵夜時段更是第一次。這裡10點多10時後入座全單會有88折。店內裝修光猛和衛生，我們被安排坐到梳化卡位，坐得舒適。食物方面選了3款我們都愛吃的，本地手切肥牛（大），象拔蚌和鮮炸腐皮卷。各款醬料以小樽裝著放在一個tray內，衛生整潔。有蔥，蒜粒，麻辣醬，花生粒，辣椒醬等等。這裡有約20款湯底，由於我們想吃得健康清淡點（平衡一下吃宵夜對健康的負擔，至少是心理上），我們選了海底椰湯底（＄58），湯底內頗多海底椰片和配料，味道清甜，不錯。本地手切肥牛（＄288），愛吃牛的我們看到已很開心。這肥牛肉質新鮮，不過如果能更鮮甜就更理想。象拔蚌（＄38/兩），我們點了一隻40兩的。味道頗鮮甜，這份量2個女子吃真是吃得頗過癮。象拔蚌上枱時亦擺得很企理。腐皮卷（＄48）看來色澤和味道都新鮮，吸了湯吃很好吃。除了食物和店內環境外，店員的有禮服務態度都令人滿意，雖然價錢稍貴，88折後都要一千九百多，不過整體來說，這是吃得滿意的一餐。

又係一年一度打邊爐友聚會, 很早前已經看到有關牛什湯底呢間火鍋店的宣傳單張, 一直都想試, 所以提議到呢間試下. 預約話只能食2小時……..唔係呀, 唔係放提……只能就曬各好友時間, 約8時入席. 去到外面帶位小姐話,如沒有人客等位, 也可以坐耐少少…………好彩去到, 無牛什湯底? 問吓, 原來牛骨湯底就等於牛什湯底.來到顏色好深, 攪下去真的有好多牛什在裏面,有磅,肺,肚,腸………….蘿白, 先飲一啖湯, 有D SO味, 但也可以接受. D牛什都已經蚊唸咗, 所以已經好入味,同埋好唸. 蘿蔔食到中間時間食,好正,夠入味又夠唸.開始叫火鍋料….. 款式不多, 大致分幾類, 海鮮, 魚, 丸,同餃子.叫了以下蝦丸好爽,好彈牙,食緊仲以為係食緊蝦,好有蝦味墨魚丸好爽,好彈牙,但係就無蝦丸味道咁神似餃子(什菇,唔記得叫乜)皮薄,料好多, 味道不錯午餐肉沒特別冰豆腐好吸湯味手切肥牛牛味濃,入口口感un un 地云吞皮薄,滑, d蝦好新鮮桂花X鮮甜脆口脆肉鯇肉好脆, 好大件, d肉都ok新鮮 竹苼ok牛肉丸好爽,好彈牙, d肉味好濃菜ok唔知點解, D湯越食越咸, 無水加的是清水,都咸得好緊要,

朋友介給這間火煱店,說許多名人也惠顧.趁天氣冷,就試下啦!點了金牌牛骨湯底,只是湯底已要$158.份量無疑是很大,又有許多牛雜等,量可以,但味道超鹹.牛肉不錯,質地好! 約$158墨魚滑,好普通反而腐皮卷,想不到很不錯.服務態度也不錯,埋單每人約三百多元,不算抵食.