YakiniKuu Japanese Bbq (Moved) New Location

聖誕去左中環行街玩樂，食飯都一早book左呢間同事話超好食燒肉店，所以同男友食豪d，燒一燒！間店都幾難搵，不過好食嘅野係吾會易搵嘅，到左，個感覺已經好好，店員好nice又有笑容，見食客都多係外國人，氣氛relax.嗌左個set，有小食，salad，同不同種類嘅燒肉，最後仲有雪糕！小食有三款，外貌精致，味道都吾錯，有少少似韓國餐廳嘅小食，有酸蘿蔔等等，salad係水菜加上小白魚仔，味道食落好似加左芝麻醬咁，菜食落都有咬口，幾好食！主菜燒肉嚟啦，店員好好咁一個一個介紹不同嘅燒肉，另外好講究咁每一款肉都要配上特別嘅醬汁，有d肉仲要配上醬汁再蛋再飯咁食，相當講究，果然日本人嘅料理係咁子細，好欣賞，跟住不同嘅醬汁咁食，真係特別吾同，好好味，但最後發現，咁靚嘅肉就咁食都已經好好味啦，食到吾同部位嘅肉嘅特色，我最喜歡係牛嘅臀部，好味丫！食完燒肉食埋個熱烏冬好正，其實有凍熱選擇，清清，好好味，好似消左肉味咁，食落好舒服！雪糕有四選味選擇，我選了柚子味好好味，酸酸甜甜咁，食完好滿足！