麻辣派對 (金百利廣場) (Closed)

食過好多間酸菜魚， 麻辣派辣係我心目中排頭位， 尖沙咀同銅鑼灣分店共埋食過10次以上， 次次都叫酸菜江團， 其他款無食過。第一次去唔鐘意佢獨特嘅裝修， 環境好暗，水鑽酒樽好土豪， 播嘅歌都係大陸舊歌。但麻辣派對嘅酸菜魚好抵食， 配料好豐富， 有粉皮， 芋頭蒟蒻，大量芽菜， 酸菜， 魚肉好多， 每次都只食江團， 聽講桂花魚多d骨， 仲要貴d，2個人晚市食一份酸菜魚每次都食唔曬。 江團魚好滑又無骨， 有魚味。另外加左小食毛肚， 小食價錢唔平， 但呢間嘅牛柏葉好特別， 比平時食開嘅juicy, 爽口彈牙， 每次都揀bb辣， 好惹味。水果茶都好大杯， 入面有好多水果，呢個價錢值得。♡ 酸菜江團魚 $198♡ 戀味毛肚 $68♡ 蜜語水果茶 $38