深仔記

Open Now

Now Closed

深仔記嘅雲吞同水餃一向都好高質。今次呢碗鳳城水餃河粉亦一樣無令我失望。首先湯底有韮黃點綴，一飲落去已經好有大地魚嘅鮮味，亦食得出來自水餃嘅淡淡麻油香味，湯底保持住金黃清澈，唔會覺得油膩，溫度熱辣辣，同水餃河非常配合。重頭戲嘅水餃，大大粒漲卜卜，每粒都包住3隻鮮蝦！最令我欣賞係每隻蝦都去咗蝦腸，所以食落鮮甜，無沙，唔會腥，非常有滿足感。啲蝦基本上已經佔據咗每隻水餃大部分嘅體積，入面其餘配料就係木耳絲同竹筍絲，同豬肉增加風味。整體係十分滿意嘅一餐。