The Salted Pig (Closed)

同朋友慶生， 因為朋友有張買一送一主菜coupon，所以決定來試一試。餐廳有室內外， 我哋坐室內，場上都掛住好多關於豬嘅油畫，好貼題。我哋一行六個女仔，總共叫咗六個主菜。全部主菜都好大份，佢嘅墨西哥脆片，平時肉碎嘅部份，變咗豬肉絲， 幾特別。另外大大隻既德國豬手，想點買相有少少奇怪，因為佢已經切晒啲肉出嚟，執鞭放返舊骨。 豬皮唔太脆，可以做好啲。食落唔太入味，所以一定要點芥末醬。水牛炸雞翼， 揸得好鬆脆，配嗰個醬汁甜甜地，我哋個個都好鍾意。醬燒排骨，好大份，我只係影咗一半，燒汁甜甜地，幾惹味。至於外表最吸引我嘅就係呢個芝士雞扒，面層嘅芝士鋪到滿滿，每一啖都食到厚厚嘅芝士溶， 完全冇理會過雞扒嘅味道😂今餐全部都係肉，幾個女仔的確食到好滯好飽。 值得讚嘅係佢嘅上菜速度好快，叫完嘢食10分鐘左右就上齊晒，所以真係等齊人先好叫。好在有優惠券，如果唔係都幾貴。